Pu Pope Francis in mi khenthang pawlpi lamkaite galgih

Pu Pope Francis in mi khenthang pawlpi lamkaite galgih

Apeisa Nipi zaw ni ni’n Pu Pope Francis in nasa tah in mi khenthang pawlpi lamkaite agalgih hi, ajieh pen, pawlpi lamkai phasa khat in mi akhenthang uhi achi hi. “Tulai in meihui toh kikawmna abaita mama, tambang kikawmna zangin pawlpi lamkai phasa khat mipi akhenthang ua, Pasian Thupha phuong ahi vangun, mi akhenthagn zaw uhi” achi hi. Thudih agen vangun, thudih apangsih hi chi’n zong agen hi. Pope Francis gen dungzui in masang lai a pawlpi naki puohdan pen luita ichi vangun kipumkhatna ana om zaw hi. Tawndan izuisihleh kikhenthangna ahing om teitei hi.

 

 

Tulai a thuhil siete’n zalenna thu leh kipahna thu atut josih uhleh lamkai hoi ahisih uhi. Lamkai tha phasa khat koima thu mangsih ua, adeidan un akitawn uhi. Tulai in Pope in Misiengtho Paul laihahte ahil a, tutungin Galatiate alaihahna asim a, “Tami laiah hi tulaia ding zong ahi” achi hi. Tami lai ah St.Paul in tahsanna toh kisai thu ana giel gige a, zalenna, thupha leh Khristien hinkhuo tungtang chientah in ana giel hi. Eite a dinga zong ana giel ahi. Ama hunlai in St.Paul zong mi phasa khat ana dem ua, nang sawltah nahisih hi achi uhi. Jiute biehna a lamkaite’n ana dem ua, pawlpite ana buoisah man uhi. Pawlpi susie ding mi ahing om zing ding hi chi’n Pope in nasa tah in agen hi.

Add new comment

1 + 0 =