Pu Pope Francis in Lungdam Pawi ah summet paimet bawlsih vai chi

Pu Pope Francis in Lungdam Pawi ah summet paimet bawlsih vai chi
Zani, 10 December ni’n Vatican Khuopi a Pope Paul Aguhna Hall ah Bawngbuh akilam
panta a, Pope Francis a en dingin ava kuonta hi. “Tulai in Lungdam Pawi ah summet paimet
akibawl a, Lungdam Pawi ahilam akithei nawnsih hi” achi hi. Adiehdeih in Europe, America
leh Australia ah, Lungdam Pawi Hun in, Santa Claus leh Christmas van akithupisah zaw a,
Naugneh Jesu suoh pawi asuun nawnsih hi. Tutunga Vatican a bawnbuh ahileh, Peru Gam
pan ahing kipuo ahitabo a, Andes Muolsang a teng singtangmite siem ahi.in Limdingte pen,
Andes Muolsang lam a puon leh sing tuomtuom toh kisiem ahia, Peru Gam mite tawndan leh
lim leh mel suodan a kisiem ahia, ahoi mama hi.
Tua bawngbuh limdingte akisuttuo laitah in Pope Francis in thuhilna anei ngal a, tulai in
Naugneh Jesu lim nasan aki zua a, Lungdam Pawi asun nawnsih a, thanghuoi mamata achi hi.
Athuhilna ah agenkia a, “Jesu ahing kumsuh in, ahutkhiet ding mihingte dinmun ala a, leitung
nam leh jat josie et thei, mu thei dingin ahing kum hi. Pasian ahivangin akingiemkhiet a,
akineu koi a, hichi’n Pasian in mihing a henemdan alah gige hi.”

Add new comment

5 + 0 =