President Joe Biden leh Pope Francis kimu ding

President Joe Biden leh Pope Francis kimu ding

President Joe Biden leh Pope Francis kimu ding

President Joe Biden in Pope Francis akimupi baihta dinga, president ahi sunga akimupina masa pen ahi ding hi. October 29 ni’n akimu ding uhi. White House a thusuo dungzui in, President Joe Biden Jinu, Pi Jill Biden inzong a pasal Vatican ah azawpi ding hi. Thusuo kizah dungzui in President Joe Biden leh Pope Francis in kkikupna tampi anei ding ua, mihing lawchingna tungtang (human dignity), tualeh COVID-19 puul ven dingdan, tualeh khuo leh hui, climate tungtang zong akikum ding ua, atawpna ah, mizawng mingaute bang chibangin ipanpi ding uoi chi’n zong akikum ding uhi. Pu Joe Biden Vatican a azinna masa pen ahisih hi. Vice President a apan lai in, Pope Francis akitel joa akilopna ah zong ava pangta hi. USA a Pope Francis azin in Capitol ah zong ana kimu uhi. Apeisa 2016 a cancer natna kikupna zong amani ana kisuttuo gel hi. President asuo jo in Pu Joe Biden in Pope Francis phone ah ana kihopi a, kithuo thei dandan in kithuo vai, adiehdieh in leitung mi hamsate tungtang leh khuo leh hui (climate) tungtangah zong kiholim vai in, tualeh gal jieh a, kiel jieh a galtai, a vaitaite zong panpi thei dandan in panpi vai chi’n phone ah ana kiho uhi.

 

Add new comment

4 + 12 =