Ukraine gam a India ngahnu siengtho khat in nisim thungetna mi 400 vel toh neiton

Ukraine gam a om India pan a The Sisters of St. Joseph of Saint-Marc te congregation sister Ligi Payyappilly.

Ukraine gam a India ngahnu siengtho khat in nisim thungetna mi 400 vel toh neiton

 

India gam pan a ngahnu siengtho Ukraine a missionary nasem a omkhat in Russia leh Ukraine buoi jieh in nisim in mi 400 vel thungetna anei zing uhi.

Congregation of The Sisters of St. Joseph of Saint-Marc a ngahnu siengtho sister Ligi Payyappilly in hichi’n agen hi, “Ka omna ua convent ah Nisim in mi 400 vel toh thungetna ka nei khawm zing uhi”, chi’n RVA News kungah agen hi.

Tualeh tami thungetna a tel nading in min akhum masa ua tuachin ang tel let uhi chin’n agen kia hi.

Sister Ligi Payyappilly in 2018 kum in honorary Ukrainian citizenship ana mu hi. Tuleh ama nu hi a congregation ua superior ahia tumlah Ukraine, Mukachevo diocese a convent a om uh ahi.

“Ukraine gam sung leh Europe sunga gam tuomtuom te ah apeisa kum 15 sung pasian thugen in kaa vah hi”, chi’n sister nu in agen hi.

Apeisa February 24 nia kipat in Russia leh Ukraine buoi jieh in mipi toh kaki ha pawl thei nonsih hi achi hi.

Buoina komkal ah kalkhat sungin ninii sung teitei kakipawl ua thu ka ngen ton let uhi achi hi.

Tami gam buoina jieh a hasatna atuoh te akidoh chiengin, “Gal omta ma lejong thungetna ka khawlsih uhi tualeh pasian lungsietna toh dam leh bit in ka om uhi”, chi’n adong hi. Tualeh mipite apat in neh leh tah leh sil dangdang te kithuopina kamu mama uhi achi hi.

Akigamwm in ngahnu siengtho 13 a om ua tam te lah ah 3 te hi India gam pan ahi uhi. Amate’n tehsete kepna inn khat anei ua tuanah tehsie mi 18 vel a enkawl uhi.

The Sisters of St. Joseph of Saint-Marc congregation tehi America, France, Germany, Italy, India leh Philippines gam ah a om uhi.   

 

Add new comment

6 + 2 =