St. Thomas Minor Seminary Annual community Day leh Fr. Mario Ruby Jubilee pawi kimang

St. Thomas Minor Seminary Annual community Day leh Fr. Mario Ruby Jubilee pawi kimang

Apeisa November 25 ni’n Retreat House Imphal Hall ah St. Thomas Minor Seminary Annual community Day leh Fr. Mario Ruby Jubilee pawi akimang hi. Tami vaiguon ah vaidot thugenna Rev. Samson Nigntam aneia tualeh Ruby Jubilee lawm Fr. Mario in cake atna leh thugenna anei hi. Topa Mario in athugenna ah, “Siempu khat hina hi pasian deisahna silpieh chi’n ka pawm hi achi hi”.

Topa Mario thugen zo in Seminarian te’n lam leh lasah naleh siemna talatna anei ua mipite asu hal mama uhi. Tuazo in Shri. Francis Ngajokpa in thugenna anei kia a, “Mijousie hi siempu idei man a suohthei ihisih hi, Pasian in atel tuom te mamai suoh thaw ahibou hi” chi’n agen hi.

Tuazo in Pu Most Rev. Dominic Lumon in thugenna anei a, Topa Mario akipahpi na thu aphuonga tuazo in khangno siempu sinte hantawhna anei hi.

“I hinkhuo Topa kungah ap pou lei ama’n lampi hoi ah ei pui zing ding hi”, chi’n pu Archbishop in agen hi.

Pu Archbishop thugen zo in Diocesan Fraternity (DFI) te min in Fr. Vialo in kipah thugenna aneia tualeh Fr. Albert in word of thanks genna aneizo in Fr. Varghese in annkhuong thumna aneia tuami toh vai zo in a om ta hi.

Vaiguon top zo in St. Thomas Minor Seminary huong ah ann zaluina a om hi.