Myanmar ah khangnote ading in Holy Childhood training kipan kia ta

Apeisa March ni 6 nia pat 12 sung Myanmar gam a Myitkyina Diocese neia om Myanmar Putao Parish ah kaal khat sung dai “summer course for Holy Childhood” chi ana kipan kioa tahi, tam hi COVID-19 pul tunzo apat aki bol kia masat napen ahi.

Parish Priest Fr. John Awng Htoi, Putao Parish in hichi’n agen a,”Akum simsiel a Tami Holy Childhood training leh khangnote training pawlpi toh kithuo in ana kibol let ahia, aziehpen khangnote hi pawlpi adinga gou ahi uhi tuazieh a khristian hoi ang hithei nading ua khangnote adinga tami camp hi naki bol pie let ahi”, achi hi.

Camp sunga vaisai Sister Theresa Nan San in tami camp apat  naupangte’n  aphattuom pi mama hi, pawlpi thu leh laa hoitah in aki hil ua tualeh hun zah ding dan leh khamthei a kipieh lou ding dante hoitah in aki hil uhi achi hi.

“Putao Parish sunga khuo zousie ah tami training kibol ding ahi”, chi’n agen hi. 

Tami training ah Putao parish apat naupang kum 10 apat 15 kikal mi 135 apang hi.

Putao Parish ah katholik innkuon 278 vel apha a tualeh katholik mi 2000 bang a om hi.