India in Kristian mi Gam leh nam suotatna ding a pan late theipina nei.

 India in Kristian mi Gam leh nam suotatna ding a pan late theipina nei.

 

March 5 ni in, Archdiocese of Madurai’s Religious Dialogue Commission toh Tamil Nadu Sirupaanmai Makkal Nala Katchi in, Tamil Nadu Madurai khuo  a um,

Barrister George Joseph Kristian galhang Gam leh nam suotatna dia pan anala, ashini apat Kum 84th achinna theipi gigena anei uhi.

 

Milien, milal tamkhop in tam Barrister George Joseph lim, suong a kikheng gei a vaiguon kimang ava uap uhi. Tam te lah a minlaw thei a um ahileh,

Father Jerome Eronimus, Vicar General of Madurai Archdiocese, leh Father Benedict Barnabas J., Director and Co-Ordinator of De Nobili Pastoral Centre,

Madurai Archdiocese, tuoleh Tamil Nadu Sirupaanmai Makkal Nala Katchi, Madurai apat ahi uhi.

 

George Joseph in ana dou thupipen ahileh, British Kumpi apat,

Piramalai Kallars toh Maravar nam miten  akikim lin-lien a thaneina, aneithei nading a pan analah ahi.

 

George Joseph ahileh Kerela a Changnoor khuo tuolkuon mi ahia, Malayalam ham ajang a, Katholik sakhuo jui mi ahihi.

 

Barrister George Joseph in 1917 a Pu Gandhi in puan-ah tung sillou ding chia akigelkhiat mabang in,

aman jong tam Pu Gandhi lunggel adeina tawh, tumlam a Mangkang te kivon a kivonlou in Kathar von a kivon jo ding in ana kigel khie hi.

George Joseph in jong Mangkang kumpi kivaipuona adeilou mabang in Pu Gandhi toh kithuo in Mangkang te ana nang khom uhi.

 

Barrister George Joseph khu Kum, 1887 June 5 ni in  Changnoor, Kerala, south India ah ana piang hi.

 

British kumpi in dan juiding  “Criminal Tribes Act” kichi Piramalai Kallars leh Maravar te kung a thu ang piah na ah,

George joseph in nasatah in ana nuol hi.

 

Add new comment

13 + 0 =