Spain Gam a bishopte'n la siem khangdawngte apanpi mama uhi

Spain Gam a bishopte'n la siem khangdawngte apanpi mama ua, pawl tuom tuom asiem ua, sum leh pai toh apanpi gige uhi. Lasa siemte'n la toh Pasian thu aphuong ua, lungsim khuongaina (retreat) mun tuomtuom ah aguong ua tualeh music concert haw abawl jel uhi. Tam hi 2019 kum a World Youth Day jo a kipan ahi ua, Pu Pope Francis in khangnote athupieh dungzuia late aphuo uh ahi. World Youth Day tawp ni'n Pope Francis in "No khangnote zani leh zing khangno nahisih ua, tu leh tu a Pasian khangnote nahi uhi. Tua Pasian na nasepsih uhleh nualam in na sem tuonsih ding uhi" achi hi. "Tu leh tu a Pasian Khangnote" kichi la bawng khat zong WYD jo in aki khum pai a, la 19 akhum uhi. Latin America leh Europe ah Katholik khangnote la lam ah akhangto mama uhi. Akhangto loleh akanang det Archdiocese of Imphal ma ahia, khangnote no zong kipanta un chi'n ko RVA vaisaite'n hing hanthawn ung. Manipur ah isanggam protestant pawlpi khangnote lalam ah akipie ua, azong siem mama uh. Katholik khangnote khanglo panta un

Add new comment

2 + 2 =