MAGNESSATE TRANSFORM VAI AH FR.MARK AIMENG ZONG VA PANG

MAGNESSATE TRANSFORM VAI AH FR.MARK AIMENG ZONG VA PANG

Apeisa February 12 -13 ni’n Phai a Hotel Imphal ah MAGNESSA companyte’n vai thupi mama khat abawl ua, TRANSFORM                (Kikhelna) achi uhi. Vaisai Pu Santhosh Joseph in Fr.Mark Aimeng ana chiel a, sum leh pai tawp ding josie atuohpieh hi. Mi 113 vel kichiel ahia, hall sung adim vawt uhi. Thugenpipa (chief speaker) ahileh Pu Sreejith Nair ahia, 2020 kum a Magnessa Company sunga thuhil siem pen in ana kikoi hi. Ahing kuon mi atamzaw khangnote ma ahia, nuomtah in thuhilna akinei hi.

Pu Sreejith Nair in agenpi pen ahileh “KIKHEL VAI” ahia, khantona del ihi u’leh ilungtuotdan, ina sepdan leh van zuadan ikhel dinguh angai ahi achi hi. Bang nanei ahei zua sinlen, mi’n bang atulmaw ahei, tua khu zua zaw in achi hi. Tuathamlo in, LUNGSIM DIHTAH (right attitude) ineisihleh I company  hileh, eima hilei, akhangto theisih ding hi achi kia hi. Tam kikhopna a hing panga hanthawn pie ahileh Lie Rodha Kapani, Santhosh Joseph, Robert Basumatari leh Nagaland pan a Tg.Kiveho ahi ua, kal khat a dangka lakh sawm val lam ngen ahi uhi. Mizoram, Meghalaya, Nagaland, Manipur leh Assam a hing kipan ahi ua, lawchinna tang ngen ahi uhi.

Tam thusinna a ka mudoh khat ahileh, hanchiemna leh lungsim dihtah kuo ding ma thupi pen in mu ing. Pasian nasep tanpha zong hanchiemna leh lungsim dihtah a isepsihleh, ilawchingsih ding hi chi’n thugenpipa in agen hi. Thugenna kikal ah lasahna, lamna leh guolnop tamtah akimang hi. Tami vai a hing pang lah a upa pen ahileh Pu Dominic Khammeng ahia, kum 72 a upa ahita hi, ahi’n anasep atawpsan ngap naisih hi. Tu leh tu in Fr.Mark Aimeng in Platinum Star muta.

Add new comment

2 + 0 =