NICHIN THUMNA PUITU By Rev. Awnkhankhup

NICHIN THUMNA PUITU By Rev. Awnkhankhup

March 11 (Ziltawpni)

HAGAU SIENGTHOU A DIM

Tualeh Antiok tan dong va haw ding in Barnaba a sawl uhi. Aziehpen ama mihoi tah ahia, Hagau Siengthou leh ginna a dim ahi. Tuachin mi tamtah Mangpa lam ah a kibelapta uhi (Nas. 11:22b,24).

Barnaba min masa khu Joseph ahia, Sawltahten Barnaba chi in a han uhi. Ama khu Levi chi a mi, Kupra tuilaisie khomi ahi. Jesu kilbeh zou a Ama juitu, gingtu masate ading a a sil neite zua a Sawltahte kengbul a hing tawitu ahi (Nas. 4:36,37). Ama khu Hagau siengthou leh ginna a dim chi in Bible in ana gen a, a thupi mama hi. Mi tampite Khrist kung a puitu hi in, Sawltah Paul toh Pasian nna a sem khawm uhi. Barnaba bang in eite zong, ginna a kalsuon in, Hagau Siengthou nei i sawm ding uhi.

Add new comment

1 + 10 =