NICHIN THUMNA PUITU By Rev. Awnkhankhup

NICHIN THUMNA PUITU By Rev. Awnkhankhup

July 07 (Ningani)
KIPAH ZEL HINKHUO

Theipi kung pah sih henlen, grep guite gasih henlen, Olive sepgimna guohsuoh in, tualeh louten neh ding piengsah lou in, a huong a pat gan honte suhbei a um in, bawngbuhte ah ganta um nawnsih nanleh. Tuachi’n zong Mangpa ah ka kipah ding a, ka hundamna Pasian ah ka nuom nalai ding hi (Hab. 3: 17-18)

Mihingte a ding in lawchin leh hamphat hunte ah Mangpa tung a kipah tah a um bang zong a bailam deu se hi. Amabou, i lam-et bang a silte a umlou a, lawsapna ngentang i tuoh chieng un, kipah zing a um chite sil baisa hetlou ahi zel hi. Habakuk hunlai in theipi gaate, grep gaate, Olive gaate leh gankhawite khu mi tampite nehsuina ana hi tangpi uhi. Tuabang a a nehsuina tuomtuomte ua a lawsap hun chieng ua zong Pasian kung a kipah lai ding in Jawlnei Habakuk in a thuhil hi. Tuni hun in eiten zong lawsap hun ah zong kipah zel thei dan zil va ui.

Add new comment

10 + 6 =