NICHIN THUMNA PUITU By Rev. Awnkhankhup

NICHIN THUMNA PUITU By Rev. Awnkhankhup

June 06 (Seppatni)
BAWL THEI KHAM KHAM

Amanu’n a bawl thei khamkham a bawl ahita hi, ka sapum vui ding a sathau a nu masah ahi. Adihtah in ka hing hil ahi,

leitung pumpi a tam khantanhoi kigenna phot ah tam numei nu silbawl amanu theizingna ding in a kigen ding hi, a chi hi (Mak 14:8,9).

Simon inn a numei khat, Spiknard Sathau gimnamtui nutu khu Mathai leh Mark-ten a min a genlou lai un Johan in Martha sanggam nu,

Mari hidan in a na gen hi. Bangteng hileh Mangpa Jesu a ding in a sep thei khamkham a bawl a tuachin Jesu zong tami zieh in a kipah chi i mu thei hi.

Mihingten sep thei chi tuomtuom i nei ua, a kibang kim kholsih ding hi. I sep thei kibang kim sih nanleh, i sep thei bang chiet Mangpa a ding a i sep khu gingtu zousiete i mawpuohna uh ahi.

Jesu’n Mari nasep a pahtat thu i mu a, khantanhoi kigenna phot a kigen zel ding ahi thu zong a na gen zui hi. Eiten zong i sep thei khamkham sem chiet vai.