NICHIN THUMNA PUITU By Rev. Awnkhankhup

NICHIN THUMNA PUITU By Rev. Awnkhankhup

March 06 (Pasianni)

ABRAHAM IN MANGPA ZINTUN

Tuachi’n Mangpa khu a kung a Mamre gamgi sing lah ah a hing kilah a, ama khu sun nisat laitah in puonbuh kotkhah bul ah a tou a.
(Gen. 18:1).

Pasian in Abraham khu chi tampi suong ding a guolzawl ding ahi thu ana genna ahing sawtta mama a, ama leh a ji Sara zong akum uh ahing tam in ahing upa gawpta uhi. Tu in Pasian in a kung ua a thuchiemte sutangtung utta ahiman in, sun nisat laitah in vansawltah thumte Abraham puonbuh ah ahing kilah uhi. Tuachiin Abraham in amaute kingaingiem tah in a hou a, Sara in ann leh tui bawlsah in siemtah in ana zintun uhi. Tam mite tungtawn in Pasian in Isak pien ding thu a hing genkheta hi. Tam thute apat i zil thei ahileh, Pasian mite zintun a, tualeh midangte a ding a kiphal tah a i inn leh lou ban ah i neisate zah khu Pasian guolzawlna donna ding a kot hongtu ana hi zel ahi chi akichien mama hi.

Add new comment

1 + 4 =