Laisiengtho akaw jieh in Pi Paivi Rasanen kigawt

Laisiengtho akaw jieh in Pi Paivi Rasanen kigawt
Europe Gamkaipi (European Continent) ah biehna pawlpi jieh a mi khat kiheh thei in aom valong hi, chi pen, na biehna pawlpi min in thu na gen theisih dinga, Laisiengtho nasan na kawh theisih ding hi. Finland Gam ah gam uh (politician) numei khat in a thugenna ah Laisiengtho akawh a, tu’n agam ua kumpi thukhente’n thu asit ua, thong zong kie thei va. Amanu ahileh Paiva Rasanen ahia, numei pasal kikal a kipawlna tungtangah Laisiengtho ana kawh kha a, tuajieh in thong kie thei va, ahisihleh kileusah khava.
Kum 2019 in, Helsinki, Findland Gam Khuopi ah Pi Paivi Rasanen Lutheran pawlpite biehinn ah ava kaita a, kal khat sung thungetna ah ava pangta hi. Twitter ah hichi’n ana giel a, “Tulai numei pasal deitah in, kiteng vateh loh in akipawl ua, kiphatsahna in akila nalai hi. Tambanga hinkhuo manna ah Laisiengtho thuhilte bangma’n akisim tasih a, aki donse nawnsih hi.” Pi Paivi in Miseingtho Paul in Rome pawlpite kunga pasal leh pasal kipawlna adih lohdan ana kawh a, ei Khristien gam mite tuabangin omsih vai chi’n ana giel hi. Tuajieh a amanu thukhenna mun a thu kisit ahia, ahamsietleh thong kie khava.
In 2019, the Lutheran politician saw her church, the Evangelical Lutheran Church of Finland, join the weeklong "pride" celebration in Helsinki, Finland's capital. “Tam thusitna jo thawisih lengzong phamaw sa sing, Khristien khat kahina nuasie tuonsih va’ng” achi hi. Ama tanga thugen ding ahileh Alliance Defending Freedom International pawlpi ahi uhi. Ajaw thawsihleh, kum ni vel thong kie khava. Thei dinga kilawm in Findland Gam ah pasal leh pasal tengton atam mama ua, hindan khat leh tawndan tha in apom uhi. Finland ah mi se 9% maimai biehinn akai ua, se 68% biehinn kai ngai loh Khristien pawlpi mi ahi uhi. Hichia Pi Paivi in bawlsietna atanleh, nualam ah zong Khrisiten pawlpite ahing kihel bawl ding hi china ahi. Pi Paivi in pasal leh pasal, tualeh numei leh numei nupa op ding angiel mama hi tualeh Numei leh pasal ana kisiem hi kichi laibu khat zong ana giel a, tuajieh a thukhenna neia lut kha ahi.
Europe Gamkaipi hi masanglai in Khristien pawlpite na hatna gam ahia, gamchin a Pasian thugen dingin ana kuon gige uhi. Tu’n ‘lawki Europe’ akichita a, biehinn bangza khat kiapmaina mun in akizangta hi. Biehinn kai mi atawm deudeuta a, pawlpi lamkaite nasan lah ah zong agina atawm deudeuta hi. Biehna pawlpi phasa khat in pasal leh pasal kitenna, numei leh numei kitenna aphal ua, biehinn sungah thupha apie nalai uhi.

Add new comment

7 + 9 =