Khianglam vangkhuo a AG Pawlpite toh kimutuona

Khianglam khuohi  ka pu sawn Pu Ngulzathang Taithul in ana sat ahia, Simte  khuo lah a Haidawi khuo naki zep kawi khat ahi. A tapa Let Thang ahileh ka pu ahia, ama kitap kahi.

 

Ka pa Paul Ngulminthang leh ka paneu Letkhanmang in Katholik Pawlpi ana tut gel ahia, hamphatna leh Pasian vang toh kei pen Katholik innkuon khat ah ka pieng hi. Ka nu Mary Ngailuan pen lawki ahia, ka pa zi masa asi jo in ka nu toh ana kigenga, hichi'n ka pa'n Katholik Pawlpi ah ana puilut hi.

 

Masanglai in Katholikte beh ana om a, ahi'n 1975 vel in AG (Assembly of God) Pawlpite ahing hat mama ua, Khianglam khuo a teng innkuon akimkhat vel ana lalutta uhi. Tu leh tu in akhangto mama ua, biehinn tha khat zong alam ua, ajo khielta uhi. USA a om Khianglam mi innkuon 30 vel inzong a biehinn lam nadingun sum leh pai toh apanpi gige uhi. USA a lal Khianglam mi atamzaw Khristian biehna tuomtuom ah alutta uhi tualeh atamzaw Fort Wayne Khuopi ah teng uh.

Add new comment

1 + 1 =