Lamka ah Rev. Fr. (Dr) Stephen Touthang laibu tha ‘The Mettle of Winners’ honna vai kinei

November 18, 2023 ni'n Rev. Fr. (Dr) Stphen Touthang in laibu tha agiel ‘The Mettle of Winners’ kichi honna vai Green Hills Park, Lamka ah akinei hi.

Vai kipatna dingin Cate. Peter kammang in hunpat thumna aneia tuaban ah Pu Stephen Haokip in mipi vaidawnna thu agen hi.

Rev. Fr. Hector D’Souza SJ Former Vice Chancellor Anana Deepa Institute of Philosophy and Theology, Pune in tami laibu tungtang thugenna leh hilchienna anei hi.

Topa Hector thugen zoin Rev. Fr. Joy Kurian Parish Priest, St. Mary’s Parish, Tuibuong in tami laibu Pasian kungah latna anei hi.

Chief guest, Pu Paolenlal Haokip Hon’ble MLA, Saikot AC in laibu honna aneia tualeh Topa Stephen in tami laibu ang giel thei akipahpi thu zong agen hi. Pu, Paolenlal thugen zoin  Functional President Rev. Fr. Stephen Baite Principal, Don Bosco Hr. Sec. School Churachandpur in thugenna hun anei kia hi. 

Topa Stephen zoin tami vai a special guest a hing pei Pu M. Vanlallien Haokip Principal, Salt Brook School, Tuibuong leh Rev. Sr. Annie Kalapura Principal, St. Mary’s Hr. Sec. School, Tuibuong te'n zong thugenna vai anei uhi.

Vai tawp masangin Topa Stephen Touthang in alaibu giel ‘The Mettle of Winners’ kichi lawching tah akihon thei na tungah Pasian kungah alungdam thu aphonga tualeh tami vai lawchinna dinga ngaina tah a hing kalsuon zosie kungah akipah thu aphong hi.

Rev. Fr. Mark Thang Khan Ai in vai tawp nadingin Benediction a Pasian kunga ki aapna aneia tuami toh hun zo in a om hi.