October 28 ni’n Kohima Diocese a Bishop James Thoppil in "Ntho Bible Ntsata Ethan," kichi Lotha ham a kile New Testament Laisiengtho honna ana nei hi.
Tami Laisiengtho honna vai hi Mary Help of Christians Cathedral in Kohima, Nagaland golden jubilee lopna hun tawh aki nei khawm hi.
Bishop Thoppil in Naga ham tuomtuom a laisiengtho kile thei a a om zieh in akipah thu aphuong hi.
Pu Bishop gen dan in tami hi pawlpi mite dinga hagau ann ahi achi a tualeh tami laisiengtho lena a lamkaite leh pan late apatat mama hi.
Suichienna dunzui in tami Lotha ham hi Sino-Tibetan ham ahi a. Lotha ham zangte hi west-central Nagaland, India ah mi 180,000 vel a om a tualeh mi atamjo hi Wokha district ah a om uhi.
Father Abraham Lotha in Lotha mite’n amau ham leh pau a Lotha laisiengtho asim thei ding uhi akipha mama a, tami adinga pan nasa tah a la Lotha Catholic Union te tungah akipah thu aphuong hi.
Lotha Catholic Union a lamkai James Ezung gendan in tami laisiengtho lena hi apeisa kum 5 masanga nakipan ahita hi achi hi.
#rvazoservice #rvapastoralcare #Lotha #Newtestament #Bible #Kohimadioces
