Pu Pope Francis in mai-haa November in Bahrain gam ah vaziin ding
Pu Pope Francis in mai-haa November 3 to 6 hunsung in Bahrain gam vaziin ding hi. November 5 chia Bahrain khuopi National Stadium ah latna siengtho nei ding ah, tualeh Awali leh Manna khuopi ah ki mang ‘Forum for Dialogue : East and West for Human Coexistence’ chi vaiguon ah vapang ding a, thugenna jong vanei ding hi.
Bahrain lengpa Hamd leh the Apostolic Vicariate of Northern Arabia, Luboh Bishop Paul chielna toh vaziin ding ahi.
Pu Pope Francis ziin khie sungin thupi ding in “Centred peace and Goodwill ‘’ chi ki mang ding hi chi’n Pu Bishop Pual Hinder in gen hi.
Pu Pope Francis tulaitah damlou na khup nat nei ah, Kazakhstan gam ziin sung in jong khup natna thuolah mama a, tualeh adam lou jiehin apeisa July ah, South Sudan leh Congo gam ziin ding jong kholsan a, kumkia chieng ziin tah ding hi chi’n Vatican Office pan thiesahna ki bawl hi .
Tu-le-tu injong Pu Pope Francis pen sep-le-bawl, ziin-leh-vaa na ah jong wheelchair toh ki toltho nalai hi. Tuajiehin Pawlpi mite’n I umna mun chiet ah thu ngetna ah phaw chiet zing vai.
