NICHIN THUMNA PUITU By Rev. Awnkhankhup
![](/sites/default/files/styles/max_width_770px/public/2024-01/awnkkk.jpg?itok=1bowo46L)
NICHIN THUMNA PUITU By Rev. Awnkhankhup
August 17 (Nilaini)
MANGPA GIIN-PILNA BUL
Mangpa giin khu theina kipatna ahia, hinanleh mimawten pilna leh thuhilna a simmaw uhi (Prov.1:7)
Mimaw hi sang in mipil hi ding mizousie a ki-ut chiet hi. Mipil khu ngaisang leh zatat in a um a, heisung mun pou ah zong a thawl uhi. Thupil in, _‘Mangpa giin khu theina kipatna ahi’,_ chi a ana gen khu ahoi in a dih mama hi. Mi’n Pasian a giinleh suol a taisan a, tuachi’n Hagau Siengthou in a tenpi a, lemtheinate, silkhat pouma et dan siemnate, mit pilna leh ngaituona pilte a pe zel hi. Pasian giing miten sum zah tanpha a siem deuse ua, a poimaw lou a sumzah chite a chiing sih ua, tawmnou khat zong a zang ching thei zelzel uhi. Bible in mimawl a chi mite khu, Pasian thu leh nu leh pate zilsahna zui nuomloute ahi zaw uhi. Tuaziehin mipil hi ding i utleh Mangpa i giin masah ding ahi.